aur bhi dukh hain zamane men mohabbat ke siva
rahaten aur bhi hain vasl ki rahat ke siva
Faiz Ahmad Faiz
ujale apni yadon ke hamare saath rahne do
na jaane kis gali men zindagi ki shaam ho jaa.e
Bashir Badr
aur kya dekhne ko baaqi hai
aap se dil laga ke dekh liya
Faiz Ahmad Faiz
ranjish hi sahi dil hi dukhane ke liye aa
aa phir se mujhe chhoḌ ke jaane ke liye aa
Ahmad Faraz
ishq ne 'ġhalib' nikamma kar diya
varna ham bhi aadmi the kaam ke
Mirza Ghalib
donon jahan teri mohabbat men haar ke
vo ja raha hai koi shab-e-ġham guzar ke
Faiz Ahmad Faiz
ishq nazuk-mizaj hai behad
aql ka bojh uTha nahin sakta
Akbar Allahabadi
mohabbat men nahin hai farq jiine aur marne ka
usi ko dekh kar jiite hain jis kafir pe dam nikle
Mirza Ghalib
us ki yaad aa.i hai sanso zara ahista chalo
dhaḌkanon se bhi ibadat men khalal paḌta hai
Rahat Indori
kuchh to majburiyan rahi hongi
yuun koi bevafa nahin hota
Bashir Badr
Tags: Bewafai and 3 more
kis kis ko bata.enge juda.i ka sabab ham
tu mujh se khafa hai to zamane ke liye aa
Ahmad Faraz
aziiz itna hi rakkho ki ji sambhal jaa.e
ab is qadar bhi na chaho ki dam nikal jaa.e
Obaidullah Aleem
Tags: Mohabbat and 1 more
inhin pattharon pe chal kar agar aa sako to aao
mire ghar ke raste men koi kahkashan nahin hai
Mustafa Zaidi
hua hai tujh se bichhaḌne ke ba.ad ye ma.alum
ki tu nahin tha tire saath ek duniya thi
Ahmad Faraz
Tags: Judai and 2 more
ab juda.i ke safar ko mire asan karo
tum mujhe khvab men aa kar na pareshan karo
Munawwar Rana
Tags: Judai and 3 more
na ji bhar ke dekha na kuchh baat ki
baḌi aarzu thi mulaqat ki
Bashir Badr
Tags: Aarzoo and 4 more
hosh valon ko khabar kya be-khudi kya chiiz hai
ishq kiije phir samajhiye zindagi kya chiiz hai
Nida Fazli
ai mohabbat tire anjam pe rona aaya
jaane kyuun aaj tire naam pe rona aaya
Shakeel Badayuni
Tags: Dard and 4 more
zindagi kis tarah basar hogi
dil nahin lag raha mohabbat men
Jaun Eliya
koi samjhe to ek baat kahun
ishq taufiq hai gunah nahin
Firaq Gorakhpuri
Tags: Gunah and 3 more
chupke chupke raat din aansu bahana yaad hai
ham ko ab tak ashiqi ka vo zamana yaad hai
Hasrat Mohani
dil dhaḌakne ka sabab yaad aaya
vo tiri yaad thi ab yaad aaya
Nasir Kazmi
Tags: Love and 3 more
gila bhi tujh se bahut hai magar mohabbat bhi
vo baat apni jagah hai ye baat apni jagah
Basir Sultan Kazmi
Tags: Mohabbat and 1 more
maktab-e-ishq ka dastur nirala dekha
us ko chhuTTi na mili jis ko sabaq yaad hua
Meer Tahir Ali Rizvi
ik lafz-e-mohabbat ka adna ye fasana hai
simTe to dil-e-ashiq phaile to zamana hai
Jigar Moradabadi
kya kaha ishq javedani hai!
akhiri baar mil rahi ho kya
Jaun Eliya
Tag: Mohabbat
aate aate mira naam sa rah gaya
us ke honTon pe kuchh kanpta rah gaya
Waseem Barelvi
ishq par zor nahin hai ye vo atish 'ġhalib'
ki laga.e na lage aur bujha.e na bane
Mirza Ghalib
tire ishq ki intiha chahta huun
miri sadgi dekh kya chahta huun
Allama Iqbal
karunga kya jo mohabbat men ho gaya nakam
mujhe to aur koi kaam bhi nahin aata
Ghulam Mohammad Qasir
aaj dekha hai tujh ko der ke ba.ad
aaj ka din guzar na jaa.e kahin
Nasir Kazmi
Tags: Love and 3 more
kisi ke tum ho kisi ka khuda hai duniya men
mire nasib men tum bhi nahin khuda bhi nahin
Akhtar Saeed Khan
Tags: Mayoosi and 3 more
tum mujhe chhoḌ ke jaoge to mar ja.unga
yuun karo jaane se pahle mujhe pagal kar do
Bashir Badr
Tags: Mohabbat and 1 more
anjam-e-vafa ye hai jis ne bhi mohabbat ki
marne ki dua mangi jiine ki saza paa.i
Nushur Wahidi
Tags: Anjam and 2 more
vo to khush-bu hai havaon men bikhar ja.ega
mas.ala phuul ka hai phuul kidhar ja.ega
Parveen Shakir
main to ġhazal suna ke akela khaḌa raha
sab apne apne chahne valon men kho ga.e
Krishn Bihari Noor
Tags: Hasrat and 2 more
mohabbaton men dikhave ki dosti na mila
agar gale nahin milta to haath bhi na mila
Bashir Badr
Tags: Dosti and 1 more
aap ke ba.ad har ghaḌi ham ne
aap ke saath hi guzari hai
Gulzar
Tags: Hijr and 4 more
badan men jaise lahu taziyana ho gaya hai
use gale se laga.e zamana ho gaya hai
Irfan Siddiqi
dil men kisi ke raah kiye ja raha huun main
kitna hasin gunah kiye ja raha huun main
Jigar Moradabadi
hamen bhi niind aa ja.egi ham bhi so hi ja.enge
abhi kuchh be-qarari hai sitaro tum to so jaao
Qateel Shifai
Tags: Bechaini and 6 more
akhri hichki tire zanun pe aa.e
maut bhi main sha.irana chahta huun
Qateel Shifai
musafiron se mohabbat ki baat kar lekin
musafiron ki mohabbat ka e'tibar na kar
Umar Ansari
Tags: Bharosa and 2 more
tera milna khushi ki baat sahi
tujh se mil kar udaas rahta huun
Sahir Ludhianvi
jhuki jhuki si nazar be-qarar hai ki nahin
daba daba sa sahi dil men pyaar hai ki nahin
Kaifi Azmi
us ko juda hue bhi zamana bahut hua
ab kya kahen ye qissa purana bahut hua
Ahmad Faraz
Tags: Judai and 2 more
tum ko aata hai pyaar par ġhussa
mujh ko ġhusse pe pyaar aata hai
Ameer Minai
ye ishq nahin asan itna hi samajh liije
ik aag ka dariya hai aur Duub ke jaana hai
Jigar Moradabadi
apni tabahiyon ka mujhe koi ġham nahin
tum ne kisi ke saath mohabbat nibha to di
Sahir Ludhianvi
Tag: Mohabbat
ai dost ham ne tark-e-mohabbat ke bavajud
mahsus ki hai teri zarurat kabhi kabhi
Nasir Kazmi
khuda ki itni baḌi ka.enat men main ne
bas ek shakhs ko manga mujhe vahi na mila
Bashir Badr
mujhe ab tum se Dar lagne laga hai
tumhen mujh se mohabbat ho ga.i kya
Jaun Eliya
jis ki ankhon men kaTi thiin sadiyan
us ne sadiyon ki juda.i di hai
Gulzar
Tags: Hijr and 5 more
aarzu hai ki tu yahan aa.e
aur phir umr bhar na jaa.e kahin
Nasir Kazmi
Tags: Aarzoo and 5 more
ġham aur khushi men farq na mahsus ho jahan
main dil ko us maqam pe laata chala gaya
Sahir Ludhianvi
Tags: Gham and 4 more
sar jhukaoge to patthar devta ho ja.ega
itna mat chaho use vo bevafa ho ja.ega
Bashir Badr
milna tha ittifaq bichhaḌna nasib tha
vo utni duur ho gaya jitna qarib tha
Anjum Rehbar
Tags: Hijr and 4 more
shadid pyaas thi phir bhi chhua na paani ko
main dekhta raha dariya tiri ravani ko
Shahryar
mohabbat ki to koi had, koi sarhad nahin hoti
hamare darmiyan ye fasle, kaise nikal aa.e
Khalid Moin
Tags: Fasla and 3 more
kitni lambi khamoshi se guzra huun
un se kitna kuchh kahne ki koshish ki
Gulzar
tum kya jaano apne aap se kitna main sharminda huun
chhuT gaya hai saath tumhara aur abhi tak zinda huun
Saghar Azmi
jab bhi aata hai mira naam tire naam ke saath
jaane kyuun log mire naam se jal jaate hain
Qateel Shifai
ye mohabbat ki kahani nahin marti lekin
log kirdar nibhate hue mar jaate hain
Abbas Tabish
ab tak dil-e-khush-fahm ko tujh se hain umiden
ye akhiri sham.en bhi bujhane ke liye aa
Ahmad Faraz
saari duniya ke ġham hamare hain
aur sitam ye ki ham tumhare hain
Jaun Eliya
Tags: Gham and 2 more
tum mohabbat ko khel kahte ho
ham ne barbad zindagi kar li
Bashir Badr
ishq se tabi.at ne ziist ka maza paaya
dard ki dava paa.i dard-e-be-dava paaya
Mirza Ghalib
Tags: Dard and 3 more
ishq ik 'mir' bhari patthar hai
kab ye tujh na-tavan se uThta hai
Meer Taqi Meer
ham to samjhe the ki ham bhuul ga.e hain un ko
kya hua aaj ye kis baat pe rona aaya
Sahir Ludhianvi
aap daulat ke tarazu men dilon ko taulen
ham mohabbat se mohabbat ka sila dete hain
Sahir Ludhianvi
Tags: Dil and 3 more
us ko rukhsat to kiya tha mujhe ma.alum na tha
saara ghar le gaya ghar chhoḌ ke jaane vaala
Nida Fazli
Tags: Farewell and 3 more
tumhare shahr ka mausam baḌa suhana lage
main ek shaam chura luun agar bura na lage
Qaisarul Jafri
Tags: Ishq and 5 more
bhule hain rafta rafta unhen muddaton men ham
qiston men khud-kushi ka maza ham se puchhiye
Khumar Barabankavi
na puchho husn ki tarif ham se
mohabbat jis se ho bas vo hasin hai
Adil Farooqui
Tags: Husn and 2 more
itni milti hai miri ġhazlon se surat teri
log tujh ko mira mahbub samajhte honge
Bashir Badr
gar baazi ishq ki baazi hai jo chaho laga do Dar kaisa
gar jiit ga.e to kya kahna haare bhi to baazi maat nahin
Faiz Ahmad Faiz
yaad rakhna hi mohabbat men nahin hai sab kuchh
bhuul jaana bhi baḌi baat hua karti hai
Jamal Ehsani
tum se bichhaḌ kar zinda hain
jaan bahut sharminda hain
Iftikhar Arif
dekhne ke liye saara aalam bhi kam
chahne ke liye ek chehra bahut
Asad Badayuni
Tags: Deedar and 2 more
mohabbat karne vaale kam na honge
tiri mahfil men lekin ham na honge
Hafeez Hoshiarpuri
bhala ham mile bhi to kya mile vahi duriyan vahi fasle
na kabhi hamare qadam baḌhe na kabhi tumhari jhijak ga.i
Bashir Badr
Tags: Fasla and 3 more
ishq jab tak na kar chuke rusva
aadmi kaam ka nahin hota
Jigar Moradabadi
patthar mujhe kahta hai mira chahne vaala
main mom huun us ne mujhe chhu kar nahin dekha
Bashir Badr
main jab so ja.un in ankhon pe apne honT rakh dena
yaqin aa ja.ega palkon tale bhi dil dhaḌakta hai
Bashir Badr
log kahte hain ki tu ab bhi khafa hai mujh se
teri ankhon ne to kuchh aur kaha hai mujh se
Jaan Nisar Akhtar
Tags: Aankh and 4 more
abhi raah men ka.i moḌ hain koi aa.ega koi ja.ega
tumhen jis ne dil se bhula diya use bhulne ki dua karo
Bashir Badr
Tags: Dil and 3 more
jaane vaale se mulaqat na hone paa.i
dil ki dil men hi rahi baat na hone paa.i
Shakeel Badayuni
Tags: Dil and 4 more
abhi na chheḌ mohabbat ke giit ai mutrib
abhi hayat ka mahaul khush-gavar nahin
Sahir Ludhianvi
chalo achchha hua kaam aa ga.i divangi apni
vagarna ham zamane bhar ko samjhane kahan jaate
Qateel Shifai
Tags: Diwangi and 4 more
bahut dinon men mohabbat ko ye hua ma.alum
jo tere hijr men guzri vo raat raat hui
Firaq Gorakhpuri
ashiqi men bahut zaruri hai
bevafa.i kabhi kabhi karna
Bashir Badr
Tags: Bewafai and 3 more
vo chehra kitabi raha samne
baḌi khubsurat paḌha.i hui
Bashir Badr
Tags: Chehra and 3 more
ishq ka zauq-e-nazara muft men badnam hai
husn khud be-tab hai jalva dikhane ke liye
Asrarul Haq Majaz
Tags: Husn and 3 more
tumhen zarur koi chahaton se dekhega
magar vo ankhen hamari kahan se la.ega
Bashir Badr
Tags: Farewell and 2 more
ashiqi men 'mir' jaise khvab mat dekha karo
bavle ho jaoge mahtab mat dekha karo
Ahmad Faraz
tum mere liye ab koi ilzam na DhunDo
chaha tha tumhen ik yahi ilzam bahut hai
Sahir Ludhianvi
unhen apne dil ki khabren mire dil se mil rahi hain
main jo un se ruuTh ja.un to payam tak na pahunche
Shakeel Badayuni
un ka zikr un ki tamanna un ki yaad
vaqt kitna qimti hai aaj kal
Shakeel Badayuni
dil men na ho jur.at to mohabbat nahin milti
khairat men itni baḌi daulat nahin milti
Nida Fazli
tum se chhuT kar bhi tumhen bhulna asan na tha
tum ko hi yaad kiya tum ko bhulane ke liye
Nida Fazli
mohabbat ek khushbu hai hamesha saath chalti hai
koi insan tanha.i men bhi tanha nahin rahta
Bashir Badr
na paak hoga kabhi husn o ishq ka jhagḌa
vo qissa hai ye ki jis ka koi gavah nahin
Haidar Ali Aatish
atish-e-ishq vo jahannam hai
jis men firdaus ke nazare hain
Jigar Moradabadi
ashiqi sabr-talab aur tamanna betab
dil ka kya rang karun khun-e-jigar hote tak
Mirza Ghalib
chand kaliyan nashat ki chun kar muddaton mahv-e-yas rahta huun
tera milna khushi ki baat sahi tujh se mil kar udaas rahta huun
Sahir Ludhianvi
Tags: Ishq and 5 more
aql ko tanqid se fursat nahin
ishq par a.amal ki buniyad rakh
Allama Iqbal
Tags: Ilm and 2 more
sau chand bhi chamkenge to kya baat banegi
tum aa.e to is raat ki auqat banegi
Jaan Nisar Akhtar
Tags: Intezar and 4 more
abhi aa.e abhi jaate ho jaldi kya hai dam le lo
na chheḌunga main jaisi chahe tum mujh se qasam le lo
Ameer Minai
ahl-e-havas to khair havas men hue zalil
vo bhi hue kharab, mohabbat jinhon ne ki
Ahmad Mushtaq
kabhi yak-ba-yak tavajjoh kabhi daf.atan taġhaful
mujhe aazma raha hai koi rukh badal badal kar
Shakeel Badayuni
zara si baat sahi tera yaad aa jaana
zara si baat bahut der tak rulati thi
Nasir Kazmi
ye mere ishq ki majburiyan ma.az-allah
tumhara raaz tumhin se chhupa raha huun main
Asrarul Haq Majaz
phir kho na jaa.en ham kahin duniya ki bhiiḌ men
milti hai paas aane ki mohlat kabhi kabhi
Sahir Ludhianvi
ek chehra hai jo ankhon men basa rahta hai
ik tasavvur hai jo tanha nahin hone deta
Javed Naseemi
mujhe to qaid-e-mohabbat aziiz thi lekin
kisi ne mujh ko giraftar kar ke chhoḌ diya
Shakeel Badayuni
jazba-e-ishq salamat hai to insha-allah
kachche dhage se chale a.enge sarkar bandhe
Insha Allah Khan 'Insha'
ik roz khel khel men ham us ke ho ga.e
aur phir tamam umr kisi ke nahin hue
Vipul Kumar
zindagi yunhi bahut kam hai mohabbat ke liye
ruuTh kar vaqt ganvane ki zarurat kya hai
Unknown
jab hua zikr zamane men mohabbat ka 'shakil'
mujh ko apne dil-e-nakam pe rona aaya
Shakeel Badayuni
Tags: Dard and 5 more
dil pe aa.e hue ilzam se pahchante hain
log ab mujh ko tire naam se pahchante hain
Qateel Shifai
Tags: Dil and 3 more
ishq bhi ho hijab men husn bhi ho hijab men
ya to khud ashkar ho ya mujhe ashkar kar
Allama Iqbal
Tags: Husn and 3 more
vaise to tumhin ne mujhe barbad kiya hai
ilzam kisi aur ke sar jaa.e to achchha
Sahir Ludhianvi
aadmi jaan ke khata hai mohabbat men fareb
khud-farebi hi mohabbat ka sila ho jaise
Iqbal Azeem
Tags: Dhoka and 3 more
sirf us ke honT kaġhaz par bana deta huun main
khud bana leti hai honTon par hansi apni jagah
Anwar Shuoor
yuun to har shaam umidon men guzar jaati hai
aaj kuchh baat hai jo shaam pe rona aaya
Shakeel Badayuni
ilaaj apna karate phir rahe ho jaane kis kis se
mohabbat kar ke dekho na mohabbat kyuun nahin karte
Farhat Ehsas
mere ham-nafas mere ham-nava mujhe dost ban ke daġha na de
main huun dard-e-ishq se jan-ba-lab mujhe zindagi ki dua na de
Shakeel Badayuni
Tags: Dard and 6 more
bulbul ke karobar pe hain khanda-ha-e-gul
kahte hain jis ko ishq khalal hai dimaġh ka
Mirza Ghalib
kuchh khel nahin hai ishq karna
ye zindagi bhar ka rat-jaga hai
Ahmad Nadeem Qasmi
ishq mujh ko nahin vahshat hi sahi
meri vahshat tiri shohrat hi sahi
Mirza Ghalib
maang luun tujh se tujhi ko ki sabhi kuchh mil jaa.e
sau savalon se yahi ek saval achchha hai
Ameer Minai
Tags: Dua and 4 more
husn ik dilruba hukumat hai
ishq ik qudrati ġhulami hai
Abdul Hamid Adam
is ta.alluq men nahin mumkin talaq
ye mohabbat hai koi shadi nahin
Anwar Shuoor
vo ek hi chehra to nahin saare jahan men
jo duur hai vo dil se utar kyuun nahin jaata
Nida Fazli
Tags: Chehra and 2 more
dil ki choTon ne kabhi chain se rahne na diya
jab chali sard hava main ne tujhe yaad kiya
Josh Malihabadi
kyuun hijr ke shikve karta hai kyuun dard ke rone rota hai
ab ishq kiya to sabr bhi kar is men to yahi kuchh hota hai
Hafeez Jalandhari
Tags: Dard and 3 more
ajiib raat thi kal tum bhi aa ke lauT ga.e
jab aa ga.e the to pal bhar Thahar ga.e hote
Bashir Badr
abhi zinda huun lekin sochta rahta huun khalvat men
ki ab tak kis tamanna ke sahare ji liya main ne
Sahir Ludhianvi
ye kin nazron se tu ne aaj dekha
ki tera dekhna dekha na jaa.e
Ahmad Faraz
kisi sabab se agar bolta nahin huun main
to yuun nahin ki tujhe sochta nahin huun main
Iftikhar Mughal
jab tum se mohabbat ki ham ne tab ja ke kahin ye raaz khula
marne ka saliqa aate hi jiine ka shu.ur aa jaata hai
Sahir Ludhianvi
jise ishq ka tiir kaari lage
use zindagi kyuun na bhari lage
Wali Mohammad Wali
garmi-e-hasrat-e-nakam se jal jaate hain
ham charaġhon ki tarah shaam se jal jaate hain
Qateel Shifai
unhin raston ne jin par kabhi tum the saath mere
mujhe rok rok puchha tira ham-safar kahan hai
Bashir Badr
kya husn ne samjha hai kya ishq ne jaana hai
ham khak-nashinon ki Thokar men zamana hai
Jigar Moradabadi
tumhara naam aaya aur ham takne lage rasta
tumhari yaad aa.i aur khiḌki khol di ham ne
Munawwar Rana
vo jo ham men tum men qarar tha tumhen yaad ho ki na yaad ho
vahi yaani va.ada nibah ka tumhen yaad ho ki na yaad ho
Momin Khan Momin
ham apna ishq chamka.en tum apna husn chamkao
ki hairan dekh kar aalam hamen bhi ho tumhen bhi ho
Bahadur Shah Zafar
ishq men bu hai kibriya.i ki
ashiqi jis ne ki khuda.i ki
Baqaullah 'Baqa'
mire saliqe se meri nibhi mohabbat men
tamam umr main nakamiyon se kaam liya
Meer Taqi Meer
utar bhi aao kabhi asman ke ziine se
tumhen khuda ne hamare liye banaya hai
Bashir Badr
hamare ishq men rusva hue tum
magar ham to tamasha ho ga.e hain
Athar Nafees
log kahte hain mohabbat men asar hota hai
kaun se shahr men hota hai kidhar hota hai
Mushafi Ghulam Hamdani
main chahta huun ki tum hi mujhe ijazat do
tumhari tarah se koi gale laga.e mujhe
Bashir Badr
Tags: Ijazat and 2 more
ye kahna tha un se mohabbat hai mujh ko
ye kahne men mujh ko zamane lage hain
Khumar Barabankavi
husn ko sharmsar karna hi
ishq ka intiqam hota hai
Asrarul Haq Majaz
Tags: Husn and 3 more
kya kahun tum se main ki kya hai ishq
jaan ka rog hai bala hai ishq
Meer Taqi Meer
do ghaḌi us se raho duur to yuun lagta hai
jis tarah saya-e-divar se divar juda
Ahmad Faraz
ik khilauna TuuT ja.ega naya mil ja.ega
main nahin to koi tujh ko dusra mil ja.ega
Adeem Hashmi
vo kahin bhi gaya lauTa to mire paas aaya
bas yahi baat hai achchhi mire harja.i ki
Parveen Shakir
ye Thiik hai nahin marta koi juda.i men
khuda kisi ko kisi se magar juda na kare
Qateel Shifai
ishq men kaun bata sakta hai
kis ne kis se sach bola hai
Ahmad Mushtaq
tujh ko pa kar bhi na kam ho saki be-tabi-e-dil
itna asan tire ishq ka ġham tha hi nahin
Firaq Gorakhpuri
Tags: Bechaini and 5 more
koi ai 'shakil' puchhe ye junun nahin to kya hai
ki usi ke ho ga.e ham jo na ho saka hamara
Shakeel Badayuni
kya mila tum ko mire ishq ka charcha kar ke
tum bhi rusva hue akhir mujhe rusva kar ke
Unknown
ishq ko ek umr chahiye aur
umr ka koi e'tibar nahin
Jigar Barelvi
Tags: Bharosa and 3 more
mohabbat ka tum se asar kya kahun
nazar mil ga.i dil dhaḌakne laga
Akbar Allahabadi
Tags: Dil and 3 more
main har haal men muskurata rahunga
tumhari mohabbat agar saath hogi
Bashir Badr
zindagi jab azaab hoti hai
ashiqi kamyab hoti hai
Dushyant Kumar
duniya ke sitam yaad na apni hi vafa yaad
ab mujh ko nahin kuchh bhi mohabbat ke siva yaad
Jigar Moradabadi
un ka ġham un ka tasavvur un ke shikve ab kahan
ab to ye baten bhi ai dil ho ga.iin aa.i ga.i
Sahir Ludhianvi
Tags: Gham and 6 more
kis darja dil-shikan the mohabbat ke hadse
ham zindagi men phir koi arman na kar sake
Sahir Ludhianvi
vahi karvan vahi raste vahi zindagi vahi marhale
magar apne apne maqam par kabhi tum nahin kabhi ham nahin
Shakeel Badayuni
Tags: Dard and 3 more
ishq ke sho.ale ko bhaḌkao ki kuchh raat kaTe
dil ke angare ko dahkao ki kuchh raat kaTe
Makhdoom Mohiuddin
Tags: Dil and 4 more
ishq men kya nuqsan naf.a hai ham ko kya samjhate ho
ham ne saari umr hi yaaro dil ka karobar kiya
Jaan Nisar Akhtar
ham ko kis ke ġham ne maara ye kahani phir sahi
kis ne toḌa dil hamara ye kahani phir sahi
Masroor Anwar
aziyyat musibat malamat bala.en
tire ishq men ham ne kya kya na dekha
Khwaja Meer Dard
tujh ko khabar nahin magar ik sada-lauh ko
barbad kar diya tire do din ke pyaar ne
Sahir Ludhianvi
haan kabhi khvab-e-ishq dekha tha
ab tak ankhon se khuun Tapakta hai
Akhtar Ansari
Tags: Aankh and 3 more
jab ishq sikhata hai adab-e-khud-agahi
khulte hain ġhulamon par asrar-e-shahanshahi
Allama Iqbal
ham jante to ishq na karte kisu ke saath
le jaate dil ko khaak men is aarzu ke saath
Meer Taqi Meer
pyaar ka pahla khat likhne men vaqt to lagta hai
na.e parindon ko uḌne men vaqt to lagta hai
Hastimal Hasti
kisi ka yuun to hua kaun umr bhar phir bhi
ye husn o ishq to dhoka hai sab magar phir bhi
Firaq Gorakhpuri
Tags: Dhoka and 3 more
ham tire shauq men yuun khud ko ganva baiThe hain
jaise bachche kisi tyauhar men gum ho jaa.en
Ahmad Faraz
Tags: Diwangi and 2 more
main ne din raat khuda se ye dua mangi thi
koi aahaT na ho dar par mire jab tu aa.e
Bashir Badr
Tags: Aahat and 3 more
vafa tujh se ai bevafa chahta huun
miri sadgi dekh kya chahta huun
Hasrat Mohani
tujh se mil kar to ye lagta hai ki ai ajnabi dost
tu miri pahli mohabbat thi miri akhiri dost
Ahmad Faraz
talaq de to rahe ho itab-o-qahr ke saath
mira shabab bhi lauTa do meri mahr ke saath
Sajid Sajni
Tags: Aurat and 4 more
silsile toḌ gaya vo sabhi jaate jaate
varna itne to marasim the ki aate jaate
Ahmad Faraz
ham jurm-e-mohabbat ki saza pa.enge tanha
jo tujh se hui ho vo khata saath liye ja
Sahir Ludhianvi
mere khvabon men bhi tu mere khayalon men bhi tu
kaun si chiiz tujhe tujh se juda pesh karun
Sahir Ludhianvi
zalim tha vo aur zulm ki aadat bhi bahut thi
majbur the ham us se mohabbat bhi bahut thi
Kaleem Aajiz
tumhara naam likhne ki ijazat chhin ga.i jab se
koi bhi lafz likhta huun to ankhen bhiig jaati hain
Wasi Shah
'faraz' ishq ki duniya to khub-surat thi
ye kis ne fitna-e-hijr-o-visal rakkha hai
Ahmad Faraz
rone lagta huun mohabbat men to kahta hai koi
kya tire ashkon se ye jangal hara ho ja.ega
Ahmad Mushtaq
mohabbat hi men milte hain shikayat ke maze paiham
mohabbat jitni baḌhti hai shikayat hoti jaati hai
Shakeel Badayuni
qabron men nahin ham ko kitabon men utaro
ham log mohabbat ki kahani men maren hain
Ejaaz tawakkal
ishq ki choT ka kuchh dil pe asar ho to sahi
dard kam ho ya ziyada ho magar ho to sahi
Jalal Lakhnavi
Tags: Dard and 3 more
maraz-e-ishq jise ho use kya yaad rahe
na dava yaad rahe aur na dua yaad rahe
Sheikh Ibrahim Zauq
Tags: Dua and 2 more
tum nahin paas koi paas nahin
ab mujhe zindagi ki aas nahin
Jigar Barelvi
ablon ka shikva kya Thokaron ka ġham kaisa
aadmi mohabbat men sab ko bhuul jaata hai
Amir Usmani
mahak rahi hai zamin chandni ke phulon se
khuda kisi ki mohabbat pe muskuraya hai
Bashir Badr
jo dil rakhte hain siine men vo kafir ho nahin sakte
mohabbat diin hoti hai vafa iman hoti hai
Arzoo Lakhnavi
Tags: Dil and 3 more
kaafi hai mire dil ki tasalli ko yahi baat
aap aa na sake aap ka paiġham to aaya
Shakeel Badayuni
ik safar men koi do baar nahin luT sakta
ab dobara tiri chahat nahin ki ja sakti
Jamal Ehsani
Tags: Dhoka and 2 more
ab miri baat jo maane to na le ishq ka naam
tu ne dukh ai dil-e-nakam bahut sa paaya
Mushafi Ghulam Hamdani
Tags: Dard and 3 more
ibtida vo thi ki jiine ke liye marta tha main
intiha ye hai ki marne ki bhi hasrat na rahi
Mahirul Qadri
kya jaane kis ada se liya tu ne mera naam
duniya samajh rahi hai ki sach-much tira huun main
Qateel Shifai
ishq ki har dastan men ek hi nukta mila
ishq ka maazi hua karta hai mustaqbil nahin
Unknown
idhar aa raqib mere main tujhe gale laga luun
mira ishq be-maza tha tiri dushmani se pahle
Kaif Bhopali
ek kami thi taj-mahal men
main ne tiri tasvir laga di
Kaif Bhopali
mujh se tu puchhne aaya hai vafa ke ma.ani
ye tiri sada-dili maar na Daale mujh ko
Qateel Shifai
kucha-e-ishq men nikal aaya
jis ko khana-kharab hona tha
Jigar Moradabadi
na vo surat dikhate hain na milte hain gale aa kar
na ankhen shaad hotin hain na dil masrur hota hai
Lala Madhav Ram Jauhar
Tags: Aankh and 4 more
rahega saath tira pyaar zindagi ban kar
ye aur baat miri zindagi vafa na kare
Qateel Shifai
main us ki dastaras men huun magar vo
mujhe meri raza se mangta hai
Parveen Shakir
us ke baare men bahut sochta huun
mujh se bichhḌa to kidhar ja.ega
Farhat Abbas Shah
ham to samjhe the ki barsat men barsegi sharab
aa.i barsat to barsat ne dil toḌ diya
Sudarshan Faakhir
Tags: Barish and 2 more
tum se mil kar imli miThi lagti hai
tum se bichhaḌ kar shahad bhi khara lagta hai
Kaif Bhopali
tamam umr tira intizar ham ne kiya
is intizar men kis kis se pyaar ham ne kiya
Hafeez Hoshiarpuri
Tags: Intezar and 2 more
iqrar hai ki dil se tumhen chahte hain ham
kuchh is gunah ki bhi saza hai tumhare paas
Hasrat Mohani
vo shakhs jis ko dil o jaan se baḌh ke chaha tha
bichhaḌ gaya to ba-zahir koi malal nahin
Bashir Badr
ye vafa ki sakht rahen ye tumhare paanv nazuk
na lo intiqam mujh se mire saath saath chal ke
Khumar Barabankavi
mushkil tha kuchh to ishq ki baazi ko jitna
kuchh jitne ke khauf se haare chale ga.e
Shakeel Badayuni
kahin ye apni mohabbat ki intiha to nahin
bahut dinon se tiri yaad bhi nahin aa.i
Ahmad Rahi
haa.e re majburiyan mahrumiyan nakamiyan
ishq akhir ishq hai tum kya karo ham kya karen
Jigar Moradabadi
ishq paband-e-vafa hai na ki paband-e-rusum
sar jhukane ko nahin kahte hain sajda karna
Aasi uldani
mujhe ishtihar si lagti hain ye mohabbaton ki kahaniyan
jo kaha nahin vo suna karo jo suna nahin vo kaha karo
Bashir Badr
is qadar bhi to na jazbat pe qaabu rakkho
thak ga.e ho to mire kandhe pe baazu rakkho
Iftikhar Naseem
din bhar to main duniya ke dhandon men khoya raha
jab divaron se dhuup Dhali tum yaad aa.e
Nasir Kazmi
husn yuun ishq se naraz hai ab
phuul khushbu se khafa ho jaise
Iftikhar Aazmi
Tags: Husn and 2 more
ye mohabbat bhi ek neki hai
is ko dariya men Daal aate hain
Inam Nadeem
tu ne hi to chaha tha ki milta rahun tujh se
teri yahi marzi hai to achchha nahin milta
Ahmad Mushtaq
ik ishq ka ġham aafat aur us pe ye dil aafat
ya ġham na diya hota ya dil na diya hota
Chiragh Hasan Hasrat
ham bahut duur nikal aa.e hain chalte chalte
ab Thahar jaa.en kahin shaam ke Dhalte Dhalte
Iqbal Azeem
jab unhen dekho pyaar aata hai
aur be-ikhtiyar aata hai
Jaleel Manikpuri
ku-ba-ku phail ga.i baat shanasa.i ki
us ne khushbu ki tarah meri pazira.i ki
Parveen Shakir
naam honTon pe tira aa.e to rahat si mile
tu tasalli hai dilasa hai dua hai kya hai
Naqsh Layalpuri
roz milne pe bhi lagta tha ki jug biit ga.e
ishq men vaqt ka ehsas nahin rahta hai
Ahmad Mushtaq
barha un se na milne ki qasam khata huun main
aur phir ye baat qasdan bhuul bhi jaata huun main
Iqbal Azeem
na jaane kaun si manzil pe aa pahuncha hai pyaar apna
na ham ko e'tibar apna na un ko e'tibar apna
Qateel Shifai
tum se milti-julti main avaz kahan se la.unga
taj-mahal ban jaa.e agar mumtaz kahan se la.unga
Saghar Azmi
kabhi yuun bhi aa miri aankh men ki miri nazar ko khabar na ho
mujhe ek raat navaz de magar is ke baad sahar na ho
Bashir Badr
dekhe hain bahut ham ne hangame mohabbat ke
aġhaz bhi rusva.i anjam bhi rusva.i
Sufi Tabassum
zindagi bhar ke liye ruuTh ke jaane vaale
main abhi tak tiri tasvir liye baiTha huun
Qaisarul Jafri
kya hasin khvab mohabbat ne dikhaya tha hamen
khul ga.i aankh to tabir pe rona aaya
Shakeel Badayuni
bahut mushkil zamanon men bhi ham ahl-e-mohabbat
vafa par ishq ki buniyad rakhna chahte hain
Iftikhar Arif
bhari duniya men faqat mujh se nigahen na chura
ishq par bas na chalega tiri dana.i ka
Ahmad Nadeem Qasmi
ye maza tha dil-lagi ka ki barabar aag lagti
na tujhe qarar hota na mujhe qarar hota
Dagh Dehlvi
ishq to har shakhs karta hai 'shu.ur'
tum ne apna haal ye kya kar liya
Anwar Shuoor
bhala aadmi tha pa nadan nikla
suna hai kisi se mohabbat kare hai
Kaleem Aajiz
is juda.i men tum andar se bikhar jaoge
kisi ma.azur ko dekhoge to yaad a.unga
Wasi Shah
pahle baḌi raġhbat thi tire naam se mujh ko
ab sun ke tira naam main kuchh soch raha huun
Abdul Hamid Adam
charcha hamara ishq ne kyuun ja-ba-ja kiya
dil us ko de diya to bhala kya bura kiya
Hakim Mohammad Ajmal Khan Shaida
aaj 'tabassum' sab ke lab par
afsane hain mere tere
Sufi Tabassum
bas ek hi bala hai mohabbat kahen jise
vo paniyon men aag lagati hai aaj bhi
Ajeet Singh Hasrat
ishq sunte the jise ham vo yahi hai shayad
khud-bakhud dil men hai ik shakhs samaya jaata
Altaf Hussain Hali
ishq men bhi siyasaten niklin
qurbaton men bhi fasla nikla
Rasa Chughtai
Tags: Fasla and 2 more
na jaane kaun si manzil pe ishq aa pahuncha
dua bhi kaam na aa.e koi dava na lage
Aziz-ur-Rahman Shaheed Fatehpuri
Tags: Anjam and 3 more
ham bhuul sake hain na tujhe bhuul sakenge
tu yaad rahega hamen haan yaad rahega
Ibn e Insha
log kahte hain ki tum se hi mohabbat hai mujhe
tum jo kahte ho ki vahshat hai to vahshat hogi
Abdul Hamid Adam
mohabbat men ye kya maqam aa rahe hain
ki manzil pe hain aur chale ja rahe hain
Jigar Moradabadi
raat teri yadon ne dil ko is tarah chheḌa
jaise koi chuTki le narm narm galon men
Bashir Badr
kis se ja kar mangiye dard-e-mohabbat ki dava
chara-gar ab khud hi bechare nazar aane lage
Shakeel Badayuni
Tags: Charagar and 3 more
ik shakl hamen phir bhaa.i hai ik surat dil men sama.i hai
ham aaj bahut sarshar sahi par agla moḌ juda.i hai
Athar Nafees
hijr ko hausla aur vasl ko fursat darkar
ik mohabbat ke liye ek javani kam hai
Abbas Tabish
mujhe aa gaya yaqin sa ki yahi hai meri manzil
sar-e-rah jab kisi ne mujhe daf.atan pukara
Shakeel Badayuni
mohabbat soz bhi hai saaz bhi hai
khamoshi bhi hai ye avaz bhi hai
Arsh Malsiyani
Tags: Awaz and 3 more
muddat se ik laḌki ke rukhsar ki dhuup nahin aa.i
is liye mere kamre men itni ThanDak rahti hai
Bashir Badr
ham ne avval se paḌhi hai ye kitab akhir tak
ham se puchhe koi hoti hai mohabbat kaisi
Altaf Hussain Hali
ishq hi ishq hai jahan dekho
saare aalam men bhar raha hai ishq
Meer Taqi Meer
kyuun meri tarah raton ko rahta hai pareshan
ai chand bata kis se tiri aankh laḌi hai
Sahir lakhnavi
marg hi sehat hai us ki marg hi us ka ilaaj
ishq ka bimar kya jaane dava kya chiiz hai
Bahadur Shah Zafar
tujhe bhula denge apne dil se ye faisla to kiya hai lekin
na dil ko malum hai na ham ko jiyenge kaise tujhe bhula ke
Sahir Ludhianvi
ham ishq men hain fard to tum husn men yakta
ham sa bhi nahin ek jo tum sa nahin koi
Lala Madhav Ram Jauhar
mujhe ma.alum hai ahl-e-vafa par kya guzarti hai
samajh kar soch kar tujh se mohabbat kar raha huun main
Ahmad Mushtaq
vafa tum se karenge dukh sahenge naaz uTha.enge
jise aata hai dil dena use har kaam aata hai
Arzoo Lakhnavi
hui na aam jahan men kabhi hukumat-e-ishq
sabab ye hai ki mohabbat zamana-saz nahin
Allama Iqbal
mujh se to dil bhi mohabbat men nahin kharch hua
tum to kahte the ki is kaam men ghar lagta hai
Abbas Tabish
Tags: Dil and 3 more
is maraz se koi bacha bhi hai
charagar ishq ki dava bhi hai
Unknown
Tags: Charagar and 2 more
khud-kushi jurm bhi hai sabr ki tauhin bhi hai
is liye ishq men mar mar ke jiya jaata hai
Ibrat Siddiqui
apne hamrah jo aate ho idhar se pahle
dasht paḌta hai miyan ishq men ghar se pahle
Ibn e Insha
os se pyaas kahan bujhti hai
musla-dhar baras meri jaan
Rajinder Manchanda Bani
Tags: Barish and 3 more
sach kahte hain ki naam mohabbat ka hai baḌa
ulfat jata ke dost ko dushman bana liya
Josh Lakhnavi
Tags: Dost and 3 more
ishq phir ishq hai jis ruup men jis bhes men ho
ishrat-e-vasl bane ya ġham-e-hijran ho jaa.e
Firaq Gorakhpuri
ishq hai ishq karne valon ko
kaisa kaisa baham kya hai ishq
Meer Taqi Meer
ishq men kuchh nazar nahin aaya
jis taraf dekhiye andhera hai
Nooh Narvi
Tags: Andhera and 2 more
ik mohabbat hi pe mauquf nahin hai 'tabish'
kuchh baḌe faisle ho jaate hain nadani men
Abbas Tabish
rasta de ki mohabbat men badan shamil hai
main faqat ruuh nahin huun mujhe halka na samajh
Saqi Faruqi
Tags: Badan and 2 more
hamen to un ki mohabbat hai koi kuchh samjhe
hamare saath mohabbat unhen nahin to nahin
Aagha Akbarabadi
jab se tu ne mujhe divana bana rakkha hai
sang har shakhs ne hathon men uTha rakkha hai
Hakeem Nasir
tujh se bichhḌun to tiri zaat ka hissa ho ja.un
jis se marta huun usi zahr se achchha ho ja.un
Ahmad Kamal Parwazi
shaam Dhale ye soch ke baiThe ham apni tasvir ke paas
saari ġhazlen baiThi hongi apne apne miir ke paas
Saghar Azmi
husn hai kafir banane ke liye
ishq hai iman laane ke liye
Hairat Gondvi
tamasha dekh rahe the jo Dubne ka mire
miri talash men nikle hain kashtiyan le kar
Unknown
sukun-e-dil ke liye ishq to bahana tha
vagarna thak ke kahin to Thahar hi jaana tha
Fatima Hasan
mohabbat ko chhupa.e laakh koi chhup nahin sakti
ye vo afsana hai jo be-kahe mash.hur hota hai
Lala Madhav Ram Jauhar
ilahi ek ġham-e-rozgar kya kam tha
ki ishq bhej diya jan-e-mubtala ke liye
Hafeez Jalandhari
Tags: Gham and 2 more
suna hai khvab mukammal kabhi nahin hote
suna hai ishq khata hai so kar ke dekhte hain
Humaira Rahat
Tags: Gunah and 3 more
yuun tiri yaad men din raat magan rahta huun
dil dhḌakna tire qadmon ki sada lagta hai
Shahzad Ahmad
meri ik chhoTi si koshish tujh ko paane ke liye
ban ga.i hai mas.ala saare zamane ke liye
Zafar Gorakhpuri
dil ke do hisse jo kar Daale the husn-o-ishq ne
ek sahra ban gaya aur ek gulshan ho gaya
Nooh Narvi
Tags: Dil and 3 more
tiri chahat ke bhige jangalon men
mira tan mor ban kar nachta hai
Parveen Shakir
ishq kar ke bhi khul nahin paaya
tera mera muamla kya hai
Abbas Tabish
ishq men maut ka naam hai zindagi
jis ko jiina ho marna gavara kare
Kaleem Aajiz
tiri khushi se agar ġham men bhi khushi na hui
vo zindagi to mohabbat ki zindagi na hui
Jigar Moradabadi
ishq se log mana karte hain
jaise kuchh ikhtiyar hai apna
Asar Lakhnavi
tark-e-vafa ke ba.ad ye us ki ada 'qatil'
mujh ko sata.e koi to us ko bura lage
Qateel Shifai
ishq ma.ashuq ishq ashiq hai
yaani apna hi mubtala hai ishq
Meer Taqi Meer
raat thi jab tumhara shahr aaya
phir bhi khiḌki to main ne khaul hi li
Shariq Kaifi
mohabbat tark ki main ne gareban si liya main ne
zamane ab to khush ho zahr ye bhi pi liya main ne
Sahir Ludhianvi
kis tarah apni mohabbat ki main takmil karun
ġham-e-hasti bhi to shamil hai ġham-e-yar ke saath
Qateel Shifai
Tags: Gham and 2 more
subut-e-ishq ki ye bhi to ek surat hai
ki jis se pyaar karen us pe tohmaten bhi dharen
Qateel Shifai
'at.har' tum ne ishq kiya kuchh tum bhi kaho kya haal hua
koi naya ehsas mila ya sab jaisa ahval hua
Athar Nafees
main aa gaya huun vahan tak tiri tamanna men
jahan se koi bhi imkan-e-vapsi na rahe
Mahmood Ghazni
Tags: Diwangi and 3 more
mohabbat ek dam dukh ka mudava kar nahin deti
ye titli baiThti hai zakhm par ahista ahista
Abbas Tabish
ho gaya jis din se apne dil par us ko ikhtiyar
ikhtiyar apna gaya be-ikhtiyari rah ga.i
Bahadur Shah Zafar
tum ko hazar sharm sahi mujh ko laakh zabt
ulfat vo raaz hai ki chhupaya na ja.ega
Altaf Hussain Hali
dil thaam ke karvaT pe liye ja.un huun karvaT
vo aag lagi hai ki bujha.e na bane hai
Kaleem Aajiz
jaati hai dhuup ujle paron ko sameT ke
zakhmon ko ab ginunga main bistar pe leT ke
Shakeb Jalali
Tags: Dhoop and 3 more
zamane ke jhamelon se mujhe kya
miri jaan! main tumhara aadmi huun
Anwar Shuoor
maraz-e-ishq ko shifa samjhe
dard ko dard ki dava samjhe
Jigar Barelvi
Tags: Dard and 1 more
ek hi anjam hai ai dost husn o ishq ka
sham.a bhi bujhti hai parvanon ke jal jaane ke ba.ad
Akhtar Muslimi
ishq ke marahil men vo bhi vaqt aata hai
afaten barasti hain dil sukun paata hai
Amir Usmani
maza jab tha ki mere munh se sunte dastan meri
kahan se la.ega qasid dahan mera zaban meri
Unknown
mohabbat mar ga.i 'mushtaq' lekin tum na manoge
main ye afvah bhi tum ko suna kar dekh leta huun
Ahmad Mushtaq
koi phuul sa haath kandhe pe tha
mire paanv sho.alon pe jalte rahe
Bashir Badr
marna to bahut sahal si ik baat lage hai
jiina hi mohabbat men karamat lage hai
Kaleem Aajiz
chahat ke badle men ham bech den apni marzi tak
koi mile to dil ka gahak koi hamen apna.e to
Andaleeb Shadani
koi aaya tiri jhalak dekhi
koi bola suni tiri avaz
Josh Malihabadi
Tags: Awaz and 2 more
ishq ko naġhma-e-ummid suna de aa kar
dil ki soi hui qismat ko jaga de aa kar
Akhtar Shirani
ishq men yaar gar vafa na kare
kya kare koi aur kya na kare
haibat Quli Khan Hasrat
Tags: Intezar and 2 more
tujhe kuchh ishq o ulfat ke siva bhi yaad hai ai dil
suna.e ja raha hai ek hi afsana barson se
Abdul Majeed Salik
Tags: Dil and 3 more
jis ki havas ke vaste duniya hui aziiz
vapas hue to us ki mohabbat khafa mili
Saqi Faruqi
Tags: Duniya and 3 more
nahin hoti hai rah-e-ishq men asan manzil
safar men bhi to sadiyon ki masafat chahiye hai
Farhat Nadeem Humayun
ishq hai tarz o taur ishq ke ta.iin
kahin banda kahin khuda hai ishq
Meer Taqi Meer
'shakil' is darja mayusi shuru-e-ishq men kaisi
abhi to aur hona hai kharab ahista ahista
Shakeel Badayuni
be tere kya vahshat ham ko tujh bin kaisa sabr o sukun
tu hi apna shahr hai jaani tu hi apna sahra hai
Ibn e Insha
ishq ke mazmun the jin men vo risale kya hue
ai kitab-e-zindagi tere havale kya hue
Abu Mohammad Sahar
tafriq husn-o-ishq ke andaz men na ho
lafzon men farq ho magar avaz men na ho
Manzar Lakhnavi
Tags: Awaz and 2 more
shayad isi ka naam mohabbat hai 'shefta'
ik aag si hai siine ke andar lagi hui
Shefta Mustafa Khan
ishq ko dijiye junun men faroġh
dard se dard ki dava kijiye
Jigar Barelvi
Tags: Dard and 1 more
tumhare hijr men kyuun zindagi na mushkil ho
tumhin jigar ho tumhin jaan ho tumhin dil ho
Afsar Allahabadi
jo raat din mire marne ki kar rahe the dua
vo ro rahe hain janaze men hichkiyan le kar
Unknown
hijr men itna khasara to nahin ho sakta
ek hi ishq dobara to nahin ho sakta
Afzal Gauhar Rao
Tags: Hijr and 1 more
yahi do kaam mohabbat ne diye hain ham ko
dil men hai yaad tiri zikr hai lab par tera
Jaleel Manikpuri
ishq us dard ka nahin qaa.il
jo musibat ki intiha na hua
Josh Malsiani
Tags: Dard and 2 more
mohabbat sulh bhi paikar bhi hai
ye shakh-e-gul bhi hai talvar bhi hai
Jigar Moradabadi
kabhi qarib kabhi duur ho ke rote hain
mohabbaton ke bhi mausam ajiib hote hain
Azhar Inayati
mohabbat ek taraf se maza nahin deti
kuchh iztirab tujhe ho kuchh iztirab mujhe
Jaleel Manikpuri
mohabbat ka un ko yaqin aa chala hai
haqiqat bane ja rahe hain fasane
Mahesh Chandra Naqsh
vo sitam na Dhaa.e to kya kare use kya khabar ki vafa hai kyaa?
tu usi ko pyaar kare hai kyuun ye 'kalim' tujh ko hua hai kyaa?
Kaleem Aajiz
jab mohabbat ka naam sunta huun
haa.e kitna malal hota hai
Moin Ahsan Jazbi
mohabbat vahin tak hai sachchi mohabbat
jahan tak koi ahd-o-paiman nahin hai
Arzoo Lakhnavi
saans lene men dard hota hai
ab hava zindagi ki raas nahin
Jigar Barelvi
haan kuchh bhi to derina mohabbat ka bharam rakh
dil se na aa duniya ko dikhane ke liye aa
Kaleem Aajiz
jab kabhi ham ne kiya ishq pasheman hue
zindagi hai to abhi aur pasheman honge
Hafeez Hoshiarpuri
zamin ke log to kya do dilon ki chahat men
khuda bhi ho to use darmiyan laao mat
Obaidullah Aleem
hoti nahin hai yunhi ada ye namaz-e-ishq
yaan shart hai ki apne lahu se vazu karo
Khalilur Rahman Azmi
jo ho saka na mira us ko bhuul ja.un main
para.i aag men kyuun ungliyan jala.un main
Anvar Mahmood Khalid
jise tum DhunDti rahti ho mujh men
vo laḌka jaane kab ka mar chuka hai
Tripurari
us maraz ko maraz-e-ishq kaha karte hain
na dava hoti hai jis ki na dua hoti hai
Shafiq Rizvi
Tags: Dua and 2 more
ishq ka ghar hai 'mir' se abad
aise phir khanaman-kharab kahan
Meer Taqi Meer
sitam-navazi-e-paiham hai ishq ki fitrat
fuzul husn pe tohmat laga.i jaati hai
Shakeel Badayuni
Tags: Husn and 2 more
husn bana jab bahti ganga
ishq hua kaġhaz ki naav
Ibn-e-Safi
ek rishta bhi mohabbat ka agar TuuT gaya
dekhte dekhte shiraza bikhar jaata hai
Nushur Wahidi
tujh se mira muamla hota ba-rah-e-rast
ye ishq darmiyan na hota to Thiik tha
Amjad Shahzad
ishq se ja nahin koi khali
dil se le arsh tak bhara hai ishq
Meer Taqi Meer
kis ne abad kiya hai miri virani ko
ishq ne? ishq to bimar paḌa hai mujh men
Anjum Saleemi
har ishq ke manzar men tha ik hijr ka manzar
ik vasl ka manzar kisi manzar men nahin tha
Aqeel Abbas Jafri
uTha.e phirta raha main bahut mohabbat ko
phir ek din yunhi socha ye kya musibat hai
Anjum Saleemi
mohabbat men kaThin raste bahut asan lagte the
pahaḌon par suhulat se chaḌha karte the ham donon
Hasan Abbasi
hamesha aag ke dariya men ishq kyuun utre
kabhi to husn ko ġharq-e-azab hona tha
Karamat Ali Karamat
ishq ne jis dil pe qabza kar liya
phir kahan us men nashat o ġham rahe
Dattatriya Kaifi
Tags: Dil and 3 more
jab se munh ko lag ga.i 'akhtar' mohabbat ki sharab
be-piye aThon pahar madhosh rahna aa gaya
Akhtar Ansari
jo kuchh paḌti hai sar par sab uThata hai mohabbat men
jahan dil aa gaya phir aadmi majbur hota hai
Lala Madhav Ram Jauhar
Tags: Dil and 3 more
us ne phir kar bhi na dekha main use dekha kiya
de diya dil raah chalte ko ye main ne kya kiya
Lala Madhav Ram Jauhar
chupka khaḌa hua huun kidhar ja.un kya karun
kuchh sujhta nahin hai mohabbat ki raah men
Lala Madhav Ram Jauhar
vahshaten ishq aur majburi
kya kisi khaas imtihan men huun
Khurshid Rabbani
siine se lipTo ya gala kaaTo
ham tumhare hain dil tumhara hai
Lala Madhav Ram Jauhar
siine men raz-e-ishq chhupaya na ja.ega
ye aag vo hai jis ko dabaya na ja.ega
Hameed Jalandhari
ishq ki ibtida to jante hain
ishq ki intiha nahin malum
Shafiq Jaunpuri
vo taġhaful-shi.ar kya jaane
ishq to husn ki zarurat hai
Khurshid Rabbani
ishq ab bhi hai vo mahram-e-be-gana-numa
husn yuun laakh chhupe laakh numayan ho jaa.e
Firaq Gorakhpuri
Tags: Husn and 2 more
bahut dushvar thi rah-e-mohabbat
hamara saath dete ham-safar kya
Mahesh Chandra Naqsh
mire mazar pe aa kar diye jala.ega
vo mere ba.ad miri zindagi men aa.ega
Anjum Khayali
ishq par kuchh na chala dida-e-tar ka qaabu
us ne jo aag laga di vo bujha.i na ga.i
Jigar Moradabadi
zahiran maut hai qaza hai ishq
par haqiqat men jan-fazan hai ishq
Abdul Ghafoor Nassakh
jis ko ham ne chaha tha vo kahin nahin is manzar men
jis ne ham ko pyaar kiya vo samne vaali murat hai
Etibar Sajid
na to main huur ka maftun na pari ka ashiq
khaak ke putle ka hai khaak ka putla ashiq
Peer Sher Mohammad Ajiz
Tags: Insaan and 1 more
main to sunta huun tumhen bhi hai mohabbat mujh se
sach kaho tum ko mire sar ki qasam hai ki nahin
Jaleel Manikpuri
suna raha huun unhen jhuT-muT ik qissa
ki ek shakhs mohabbat men kamyab raha
Khalilur Rahman Azmi
mohabbat nek-o-bad ko sochne de ġhair-mumkin hai
baḌhi jab be-khudi phir kaun Darta hai gunahon se
Arzoo Lakhnavi
ishq hai ji ka ziyan ishq men rakkha kya hai
dil-e-barbad bata teri tamanna kya hai
Junaid Hazin Lari
main jab 'qatil' apna sab kuchh luTa chuka huun
ab mera pyaar mujh se dana.i chahta hai
Qateel Shifai
mujhe gum-shuda dil ka ġham hai to ye hai
ki is men bhari thi mohabbat kisi ki
Afsar Allahabadi
na jaane kaisa samundar hai ishq ka jis men
kisi ko dekha nahin Duub ke ubharte hue
Faragh Rohvi
main chahta huun use aur chahne ke siva
mire liye to koi aur rasta bhi nahin
Saud Usmani
zamin se uTThi hai ya charkh par se utri hai
ye aag ishq ki ya-rab kidhar se utri hai
Insha Allah Khan 'Insha'
jahan-e-ishq se ham sarsari nahin guzre
ye vo jahan hai jahan sarsari nahin koi shai
Ahmad Mushtaq
Tapke jo ashk valvale shadab ho ga.e
kitne ajiib ishq ke adab ho ga.e
Altaf Mashhadi
Tags: Aansoo and 2 more
ishq ne mansab likhe jis din miri taqdir men
daaġh ki naqadi mili sahra mila jagir men
Baqaullah 'Baqa'
un se ham lau laga.e baiThe hain
aag dil men daba.e baiThe hain
Anwar Dehlvi
chaman se kaun chala hai khamoshiyan le kar
kali kali taḌap uTThi hai siskiyan le kar
Unknown
be-niyaz-e-dahr kar deta hai ishq
be-zaron ko la.al-o-zar deta hai ishq
Abul Hasanat Haqqi
kafan na mera haTao zamana dekh na le
main so gaya huun tumhari nishaniyan le kar
Unknown
mohabbat ke adab sikho zara
use jaan kah kar pukara karo
Vikas Sharma Raaz
na.i mushkil koi darpesh har mushkil se aage hai
safar divangi ka ishq ki manzil se aage hai
Khushbir Singh Shaad
ain dana.i hai 'nasikh' ishq men divangi
aap sauda.i hain jo kahte hain sauda.i mujhe
Imam Bakhsh Nasikh
'sahar' ab hoga mera zikr bhi raushan-dimaġhon men
mohabbat naam ki ik rasm-e-beja chhoḌ di main ne
Abu Mohammad Sahar
us ne anchal se nikali miri gum-gashta bayaz
aur chupke se mohabbat ka varaq moḌ diya
Javed Saba
jo tire ishq men tabah hua
koi us ko tabah kar na saka
Jaleel Manikpuri
visal-e-yar se duuna hua ishq
maraz baḌhta gaya juun juun dava ki
Shad Lakhnavi
ishq hai be-gudaz kyuun husn hai be-niyaz kyuun
meri vafa kahan ga.i un ki jafa ko kya hua
Abdul Majeed Salik
Tags: Husn and 2 more
husn aur ishq hain donon kafir
donon men ik jhagḌa sa hai
Azeem Qureshi
ġham mujhe na-tavan rakhta hai
ishq bhi ik nishan rakhta hai
Jurat Qalandar Bakhsh
nafrat se mohabbat ko sahare bhi mile hain
tufan ke daman men kinare bhi mile hain
Ali Zaheer Rizvi Lakhnavi
ishq men marka-e-qalb-o-nazar kya kahiye
choT lagti hai kahin dard kahin hota hai
Hafeez Banarasi
shorish-e-ishq men hai husn barabar ka sharik
soch kar jurm-e-tamanna ki saza do ham ko
Ehsan Danish
mohabbat ne 'ma.il' kiya har kisi ko
kisi par kisi ko kisi par kisi ko
Ahmad Husain Mail
mohabbat karo aur nibaho to puchhun
ye dushvariyan hain ki asaniyan hain
Hafeez Jalandhari
ishq par faa.ez huun auron ki tarah lekin mujhe
vasl ka lapka nahin hai hijr se vahshat nahin
Ghulam Husain Sajid
ġham-e-ishq hi ne kaaTi ġham-e-ishq ki musibat
isi mauj ne Duboya isi mauj ne ubhara
Farooq Banspari
tujh men aur mujh men ta.alluq hai vahi
hai jo rishta saaz aur mizrab men
Bashar Nawaz
ishq men nisbat nahin bulbul ko parvane ke saath
vasl men vo jaan de ye hijr men jiiti rahe
Jafar Ali Khan Zaki
is shahr men to kuchh nahin rusva.i ke siva
ai 'dil' ye ishq le ke kidhar aa gaya tujhe
Dil Ayubi
ishq khud sikhata hai saari hikmaten 'ali'
naqd-e-dil kise dena bar-e-sar kahan rakhna
Jaleel 'Aali'
nahin bachta hai bimar-e-mohabbat
suna hai ham ne 'goya' ki zabani
Goya Faqir Mohammad
ishq us ka aan kar yak-bargi sab le gaya
jaan se aram sar se hosh aur chashmon se khvab
Shaikh Zahuruddin Hatim
husn aur ishq ka mazkur na hove jab tak
mujh ko bhata nahin sunna kisi afsane ka
Joshish Azimabadi
ji chahta hai us but-e-kafir ke ishq men
tasbih toḌ Daliye zunnar dekh kar
Aagha Akbarabadi
tumhare ishq men ham nang-o-nam bhuul ga.e
jahan men kaam the jitne tamam bhuul ga.e
Shaikh Zahuruddin Hatim
koi aaya tha dil ki basti men
dil mira jhumta tha masti men
Unknown
yuun mohabbat se jo chahe koi apna kar le
jo hamara na ho us ke kahin ham hote hain
Lala Madhav Ram Jauhar
husn o ishq ki laag men aksar chheḌ udhar se hoti hai
sham.a ki sho.ala jab lahra.i uḌ ke chala parvana bhi
Arzoo Lakhnavi
ishq vaj.h-e-zindagi bhi dushman-e-jani bhi hai
ye nadi payab bhi hai aur tufani bhi hai
Javaan Sandelvi
uryan hararat-e-tap-e-furqat se main raha
har baar mere jism ki poshak jal ga.i
Mirza Raza Barq
vafa parchha.in ki andhi parastish
mohabbat naam hai mahrumiyon ka
Hasan Akbar Kamal
mohabbaten to faqat intiha.en mangti hain
mohabbaton men bhala e'tidal kya karna
Hasan Abbas Raza
tang aa gaya huun vusat-e-mafhum-e-ishq se
nikla jo harf munh se vo afsana ho gaya
Ahsan Marahravi
qadam rakkha jo rah-e-ishq men ham ne to ye dekha
jahan men jitne rahzan hain isi manzil men rahte hain
Jaleel Manikpuri
mohabbat zulf ka aaseb jaadu hai nigahon ka
mohabbat fitna-e-mahshar bala-e-na-gahani hai
Khar Dehlavi
sabr bin aur kuchh na lo hamrah
kucha-e-ishq tang hai yaaro
Shaikh Zahuruddin Hatim
ishq bahrup tha jo chashm o dil o sar men raha
kahin hairat kahin vahshat kahin sauda ban kar
Jaleel Manikpuri
ishq ik aisi haveli hai ki jis se bahar
koi darvaza khule aur na daricha nikle
Akram Naqqash
ishq men qadr-e-khastagi ki ummid
ai 'jigar' hosh ki dava kijiye
Jigar Barelvi
ishq phir ishq hai ashufta-sari mange hai
hosh ke daur men bhi jama-dari mange hai
Unwan Chishti
sauda-e-ishq aur hai vahshat kuchh aur shai
majnun ka koi dost fasana-nigar tha
Bekhud Dehlvi
baat niklegi to phir duur talak ja.egi
log be-vaj.h udasi ka sabab puchhenge
Kafeel Aazar Amrohvi
tha baḌa ma.arka mohabbat ka
sar kiya main ne de ke sar apna
Jaleel Manikpuri
sukhan ke chaak men pinhan tumhari chahat hai
vagarna kuza-gari ki kise zarurat hai
Arshad Abdul Hamid
tha baḌa ma.arka mohabbat ka
sar kiya main ne de ke sar apna
Jaleel Manikpuri
ishq se hai faroġh-e-rang-e-jahan
ibtida ham hain intiha hain ham
Jalaluddin Akbar
ishq vo kar-e-musalsal hai ki ham apne liye
ek lamha bhi pas-andaz nahin kar sakte
Rais Farogh
mohabbat lafz to saada sa hai lekin 'aziz' is ko
mata-e-dil samajhte the mata-e-dil samajhte hain
Aziz Warsi
sham-e-shab-tab ek raat jali
jalne vaale tamam umr jale
Mahmood Ayaz
ziyan-e-dil hi is bazar men sud-e-mohabbat hai
yahan hai fa.eda khud ko agar nuqsan men rakh len
Iqbal Kausar
ai ishq tu har-chand mira dushman-e-jan ho
marne ka nahin naam ka main apne 'baqa' huun
Baqaullah 'Baqa'
ishq ke phande se bachiye ai 'haqir'-e-khasta-dil
is ka hai aġhaz shirin aur hai anjam talkh
Haqeer
rah-e-ishq-o-vafa bhi kucha-o-bazar ho jaise
kabhi jo ho nahin paata vo sauda yaad aata hai
Abu Mohammad Sahar
ye daġh-e-ishq jo miTta bhi hai chamakta bhi hai
ye zakhm hai ki nishan hai mujhe nahin malum
Abrar Ahmad
ishq-bazi bul-havas baazi na jaan
ishq hai ye khana-e-khala nahin
Shaikh Zahuruddin Hatim
har ik makan men guzargah-e-khvab hai lekin
agar nahin to nahin ishq ke janab men khvab
Nazeer Akbarabadi
ishq ki dastaras men kuchh bhi nahin
jan-e-man! mere bas men kuchh bhi nahin
Ghulam Husain Sajid
ishq ki saf manin namazi sab
'abru' ko imaam karte hain
Abroo Shah Mubarak
ya dair hai ya ka.aba hai ya ku-e-butan hai
ai ishq tiri fitrat-e-azad kahan hai
Habeeb Ahmad Siddiqui
mohabbat aur 'ma.il' jald-bazi kya qayamat hai
sukun-e-dil banega iztirab ahista ahista
Mael Lakhnavi
sar diije rah-e-ishq men par munh na moḌiye
patthar ki si lakir hai ye koh-kan ki baat
Jurat Qalandar Bakhsh
ye rah-e-ishq hai akhir koi mazaq nahin
sa.ubaton se jo ghabra ga.e hon ghar jaa.en
Dil Ayubi
ishq ki raah men main mast ki tarah
kuchh nahin dekhta buland aur past
Shaikh Zahuruddin Hatim
khvahish-e-sud thi saude men mohabbat ke vale
sar-ba-sar is men ziyan tha mujhe ma.alum na tha
Baqaullah 'Baqa'
ishq bhi hai kis qadar bar-khud-ġhalat
un ki bazm-e-naz aur khuddariyan
Bismil Saeedi
ishq sar-ta-ba-qadam atish-e-sozan hai magar
us men shola na sharara na dhuan hota hai
Amir Usmani
ye kar-e-ishq to bachchon ka khel Thahra hai
so kar-e-ishq men koi kamal kya karna
Hasan Abbas Raza
ji chahega jis ko use chaha na karenge
ham ishq o havas ko kabhi yakja na karenge
Karamat Ali Shaheedi
ishq par ikhtiyar hai kis ka
fa.eda pesh-o-pas men kuchh bhi nahin
Ghulam Husain Sajid
No comments:
Post a Comment